أ‌) أبدى بذكر المعتلي رب السحابـه والغمـام=بسم الله الرحمن نذكرها علـى حـرف القلـم
ب‌) بللسمر الناموس والعليا لهم منـي سـلام=قيف ٍ خلقه الله على الاشهاد نبـراس وعلـم
ت‌) تهم وحجاز وبدو من نسل البواسل والكرام=واسم القبيله ثابت ومحفور في صخر الشيـم
ث‌) ثالوث بللسمر نوجّه له تحيـه واحتـرام=اهل المشوّك والقنا واهـل الشكالـه والهمـم
ج‌) جنبيتي ربعي ليا منّه وجب شـدّ الحـزام=يشهد لهم تاريخ بللسمر علـى سـاق وقـدم
ح‌) حرفي يجمّلني وجدي من مسامير النظـام=من روس بللسمرحقايق بيّنـه ماهـي وهـم
خ‌) خاب الذي يبغى يفرقنا ويجعلنـا حطـام=خاب الـذي قصـده يشتتنـا ويجعلنـا امـم
د‌) درب ٍ مشوه اجدادنا ما مسّهم فيه المـلام=تبقى قبيلتنـا بفعـل امجادهـا منصـى قيـم
ذ‌) ذادوا عن الرفقه وسمعتهم بحكمه والتـزام=حتى غدت بأركانها ورجالهـا حيـد ٍ اصـم
ر‌) ربع ٍ تمالوا بالنقا ثم ارتقو فـوق السنـام=وان شارهم مطلق بكلمة حق قالو لـه نعـم
ز‌) زبيرهم سد ٍ منيع اليا هدر سيـل الظـلام=ما واحد ٍ فيهـم تنكّـر لإبـن عمّـه اوظلـم
س‌) سادو وفادو واخذو القاله وفازو بالوسام=ما شهد شاهدهـم بـزور للحقيقـه او كتـم
ش‌) شدّو محازمهم على علم النقا فـرد ٍ وزام=من صاف عن منهاجهم يلقى متاهـات ونـدم
ص‌) صفّو صفوف اللامعه سلاّتهم يوم الهمام=تسمع لصقع دفـوف خوّتهـم مداقيـل ورزم
ط‌) طالو بطيب اعرافهم فخر الزعامه والمقام=نالو بصيت امجادهـم والطايـلات اول رقـم
ظ‌) ظفروا برفعة روسهم بين القبايل والانـام=نعم الرفاقه للرفيق ان صاح فيهـم او زهـم
ع‌) عاداتهم لا سمعو اجراس الرفق ظالو قوام=رجّالهم وقت اللـوازم مـا تخـاذل وانهـزم
غ‌) غرس الرضا يثمر يعاسيب الموده والوئآم=واسلافنا ساقوه من نهـر المحبـه والعشـم
ف‌) فزعة صغيّرهم تغيث المبتلي يوم الزحام=وكبارهم ياكم ضريضر اعتدّ فيهـم واحتـزم
ق‌) قل يازمن للناس عن تاريخنا من عهد سام=من اسس الصرح الرفيع ومن لمشروعه رسم
ك‌) كف ٍ بلا معصم يطيح الرمح منها والحسام=ورجال بللسمر سفينة حق فـي بحـر الذمـم
ل‌) لولا الحكومه وامنها ما نهتني حلو المنـام=نوفي ملكنا بالعهـود الوافيـه فـوق القسـم
م‌)من فضل ربي صيتنا وافي ومذهبنـا تمـام=ما في قبيلتنـا ولـد رجّـال فجّـر او هجـم
ن‌) نصغي لقايدنا ونسمع للزعيم ابن الإمـام=ما قال ابو متعب نقلّه حاضرين ابشـر وتـم
ه‌) هذا وطن حبّه وجب نسقيه يشموم الكـلام=حنّا وعزّك يا وطن اخـوان مـن لحـم ٍ ودم
و‌) ولاّ زمان العنصره والجاهليـه والخصـام=في عهد عبدالله نفاخر بأرضنا عُرب وعجـم
ي‌) يبقى علينا كلمة مضمونها مسك الختـام=صلو على من حطم الاوثان فاسه بالحـرم

المصدر: بللسمر | منتديات بللسمر الرسمية - من قسم: قصائد في بللسمر