يا قلم لاهنت سجل لي جواب=
واكتب اللي في المشاعر والضمير
ياغبوني غبن مجروح مصاب=
لاعته دنياه واضحت به كسير
او غبن من طعن الى حد النصاب=
في شباها السم وفي دمّه يسير
أوغبون اللي تحداه الذياب=
لا معه شون ولا حوله نصير
او غبون اللي غدا بيته خراب=
في مخيم بيت حانون الحصير
يقصفه باراك من فوق السحاب=
يقتل الاطفال والشيخ الكبير
ياغبوني غبن من يخطي الصواب=
كل باب يطرقه يلقى عسير
حيّره وقته وفيه الظن خاب=
وارجله تغلي على ومض الهجير
ياغبوني غبن من يطرد سراب=
لاحصل له فود وحظوظه تطير
ياغبوني غبن من ذاق العذاب=
طول عمره ماهنا بوقت قصر
يوم اشوف اردى العرب ناس قراب=
والبعيداللي بعيد ما يضير

المصدر: بللسمر | منتديات بللسمر الرسمية - من قسم: ديوان الشاعر (( ظافر بن جبران ))