آنا علي الحرام ان قلت ماعاني=كذاب كانك فقهت او جعل ماتفقه
خليت لك ساحة الإبداع بالعاني=كاماتها والشيوخ وكامل الصفقه
خذها هديه وانا من فوق لضعاني=لانفسي اتعيفك ولاهي بلك شفقه
يارجم شرهات مطلاعك افكرعاني=ايهرول الوقت ولا يحبي ابرفقه
والغلطه الي تجي من روس شجعاني=في خطّر الصاملين اقوى من الصفقه
لاكن جماهيري الي جيت وجعاني=من خاطري والتقوني خطرن خفقه
يما اني اسريبهم من فوق ذرعاني=ولاسروبي عن البطناج يانفقه
وفرعاية الله لاغبنا ويرعاني=ويلى اجتمعنا .. جعل جمعاتنا وفقه
لاكبدي ابضاميه ولا بجيعاني=الا على خوه الي تحشم الرفقه

والغلطه الي تجي من روس شجعاني
................... في خطّر الصاملين اقوى من الصفقه

متابع لكل ما هو جديد لك ياالغالي
وينتظر قصيدة (( الجامعة ))
لو يحصل وتسدحها هنا

يا وجه الله
البيت ذا يابو نايف تبي تدخل به موسوعة جينس


والغلطه الي تجي من روس شجعاني
................... في خطّر الصاملين اقوى من الصفقه

يامال الغنيمة يابو احمد تواجدك بحد ذاته اكبر شرف
وقصيده الجامعة فيه ثنتين الامام و الملك سعود هههههه

وجهك ابيض اخوي نادر يامرحبا يالأمير والفخر والله
تواجدك في متصفحي لاخلا ولا عدم